Ex-sundalo arestado dahil sa frustrated murder
Kampo Heneral Paciano Rizal – Arestado ang isang dating sundalo na may kasong tatlong bilang ng frustrated murder at kabilang sa Most Wanted Person sa Regional Level sa isinagawang Manhunt Operation ng Calamba police noong Lunes.
Sa report na pinadala kay PBGen. Carlito Gaces, PROIV-A Director, ni Police Col. Harold P Depositar Officer-in-Charge, Laguna PPO, kinilala ang akusado na si alias Ireneo, residente ng Calamba City, Laguna.
Ayon sa ulat ni PLTCol. Milany E. Martirez, hepe ng Calamba City Police Station, nagkasa ang kanilang operatiba ng Manhunt Operation alas 9:00 ng gabi sa Bgy. Makiling, Calamba City, Laguna na nagresulta sa pagkakadakip ng akusado sa bisa ng warrant of arrest.
Ang warrant of arrest laban sa suspek ay inisyu ni Judge Freddie D. Balonso ng Regional Trial Court, Fifth Judicial Region Branch 63 Calabanga, Camarines Sur.
Kasalukuyang nasa kustodiya ng Calamba police ang arestadong akusado, samantalang iimpormahan naman agad ang korteng pinagmulan ng warrant of arrest sa pagkaaresto nito.
“Patuloy na paiigtingin ang kampanya sa Manhunt Charlie ng mga kapulisan ng Laguna PNP, upang mahuli ang mga akusado na nagtatago sa batas kahit nasaan man dako sila ng Pilipinas o ibang bansa man upang makamit ang hustiya ng mga naging biktima nila. Sisiguraduhin ng Laguna PNP ang kaligtasan, siguridad, at katahimikan sa buong lalawigan ng Laguna,” ani Depositar.
