Dolor guest of honor sa graduation ng KAPANALIG Class 2023-01 BFP
ORIENTAL Mindoro – Naging guest of honor at speaker si Governor Humerlito “Bonz” A. Dolor noong Lunes sa graduation ceremony ng KAPANALIG Class 2023-01, Bureau of Fire Protection – MIMAROPA na ginanap sa Oriental Mindoro Sports Complex, Barangay Santiago, Naujan.
Ipinaabot ni Dolor ang pagbati sa mga nagsipagtapos na aniya’y mga bagong kapanalig sa paglilingkod sa mamamayan. Binigyang-diin din nia ang mga katangian na dapat taglayin ng mga bagong fire officer sa pagtupad ng kanilang tungkulin — Brave, Fearless, Passion.
“Sana sa inyong pagtatapos, manatili ang pagiging mabuti, maayos at kagalang-galang na mga fire officer saan man kayo makarating,” ang tagubilin pa ni Governor Bonz.
Samantala, bilang kontribusyon ng kaniyang pamunuan katuwang si Vice Governor Ejay Falcon, magpapahiram ang Pamahalang Panlalawigan ng mga heavy equipment at magkakaloob ng P1 milyong pondo sa BFP para masimulan ang pagtatayo ng MIMAROPA BFP Regional Training Center sa bayan ng Bansud.
Nakiisa rin sa naturang gawain sina Vice Governor Ejay Falcon, Naujan Mayor Henry Joel Tevez, PNP Provincial Director Samuel S. Delorio, at mga opisyal ng BFP MIMAROPA.
