Dimples nag-ala-Linda Blair sa eksena
Hindi naging madali para kay Dimples Romana ang “harness scene” niya sa horror film nila ni Iza Calzado na “The Caretakers” pero ginawa niya ito dahil kailangan sa pelikula.
May fear of heights kasi ang aktres, pero sey niya sa red carpet premiere night at mediacon na ginanap last Monday sa SM The Block, “may mga bagay kang lulunukin para sa trabaho talaga.”
Nang pinapanood nga raw niya ang nasabing eksena, pati siya ay natakot sa sarili niya. Ang co-star niyang si Iza ay na-impress sa kanya at sey nito, nag-ala Linda Blair si Dimples sa nasabing eksena.
“Pero ako, I feel very blessed because even while we were shooting it, hindi ako natakot na parang mahuhulog ako do’n, no. I know Rein Entertainment, I know Regal Films. I know there’s nothing for me to worry,” pahayag ng aktres.
Matagal pa nga raw siyang naka-hang sa taas nu’ng sinu-shoot nila ‘yun pero may full trust siya sa produksyon na very safe siya.
Puring-puri rin ni Iza si Dimples bilang isang ina, bilang isang businesswoman at bilang aktres.
“This woman works hard. She really works really hard,” sey ni Iza.
“I admire you for that. Everything that you have now, you have worked really hard for. And nobody can contest that,” sey ni Iza kay Dimples.
Bilang aktres naman, nakita ni Iza kung gaano siya natulungan ni Dimples sa isang eksena nila together in the film.
“Kinailangan ko siya at that moment. Nagbigay siya. In-allow niya ako to share that energy because I needed her in that moment, I needed to feel present in that moment,” ani Iza.
At naibigay daw ito ni Dimples kaya nagpasalamat siya sa co-star.
Ayon pa kay Iza, ilalagay na niya sa listahan ng mga paborito niyang aktres si Dimples along with Jodi Sta. Maria and Sunshine Dizon.
“Kasi, hindi maramot. Alam mo ‘yun, nakipagsayaw sa atin. So ‘yun ang aking experience working with Dimples,” nakangiting sabi pa ni Iza.
Na-touch naman si Dimples sa sinabi ng kanyang co-star at nagpasalamat siya rito.
Samantala, showing na sa mga sinehan ngayong Feb. 26 ang “The Caretakers” directed by Shugo Praico at hatid ng Regal Entertainment at Rein Entertainment.
