Co-stars, natatakot ‘pag lasing si Baron… aktor, tsutsugihin na sa ABS-CBN series
Totoo nga bang balak nang tanggalin ng ABS-CBN si Baron Geisler sa seryeng “Senior High?
Ibinalita ito ni Ogie Diaz sa kanyang latest vlog.
Aniya, ito ay ayon sa source niyang “Senior High” insider.
“Mukhang magdedesisyon na ang management na tanggalin itong aktor na ito. Eh, kasi raw, ito na nga ‘yung sinasabi ko, talagang ‘yung alak wala talagang gagawing mabuti sa katawan mo at sa pakikipagrelasyon mo sa mga kapwa artista,” simula ni Ogie.
“Ito nga ‘yung nakarating sa amin, sabi ko, ‘Uy, serious?’ ‘Opo, baka tanggalin na siya kasi natatakot na ‘yung ibang artista, lalo na ‘yung mga bata kapag siya’y nakakainom,'” kwento ni Ogie na sinabi ng kanyang source.
Kasunod nito ay nagtanong ang talent manager/vlogger kay Baron.
“Gaano katotoo, Baron Geisler, na ikaw ‘yung aalisin sa ‘Senior High’?” ani Ogie sa camera.
“Eh, napaka-vital ng kanyang role,” sey pa ni Ogie.
Well, dapat sigurong malinaw ito ni Baron mismo.
