BONGGA ang judges sa DC 2021: Maja On Stage grand finals.

Isa sa judges si Johanna Sapakie na ayon sa Facebook page ng Eat Bulaga ay artistic director at choreographer ni Jennifer Lopez, stage performer at accomplished aerial acrobat din.

Isa pa sa judges si Brian Puspos. Isa siyang recording artist at choreographer ni Justin Bieber at ng BTS.

Isa rin siyang two-time World of Dance — Male Choreographer of the Year.

Sa susunod na Sabado, Disyembre 11, ang grand finals ng DC 2021: Maja On Stage.

SADSAD SA RATINGS

SADSAD pala sa ratings ang FPJ’s Ang Probinsyano kahit panay ang dagdag nila ng artista sa cast, huh!

Sa ratings last December 1 mula sa AGB Nielsen NUTAM People’s Ratings, pasok sa Top 5 ang GMA Primetime shows na I Left My Heart in Sorsogon (2); The World Between Us (3) at To Have And To Hold (4).

Ang Ang Probinsyano naman ay nasa number 12.

Tinalo pa ito ng rewind ng Ang Lihim ni Annasadra na nasa number 11.

Ang number 1 na pinanonood ay ang 24 Oras.

Ang iba pang shows ng GMA na nasa top 10 ay Las Hermanas, Wowowin, G Flicks, Eat Bulaga at Stories from the Heart.

Siyempre, may umaapela sa ratings, huh! What else is new?