Chinese ‘preso’ inaresto muli
ISANG Chinese national ang sinilbihan ng arrest warrant dahil sa kidnapping at serious illegal detention Lunes ng hapon sa loob ng Pasay City Jail.
Ang suspek na may asawa, negosyante at nanunuluyan sa BF Homes, Parañaque ay hindi binigyan pagkataong magpiyansa para sa kanyang bagong mga kaso.
Base sa ulat ni PLt. Col Salvador Tangdol, Manila Police District – Malate Police Station 9 commander, bandang 2:50 p.m. nang isilbi ang warrant of arrest sa suspek.
Ang suspek ay sinilbihan ng arrest warrant alinsunod sa direktiba ni Police Brigadier General Leo “Paco” Francisco, District Director ng MPD, na sugpuin ang kriminalidad maging sa ibang lugar.
Pinangunahan naman ni PMajor Salvador Iñigo Jr ,ng Intelligence Branch at PCapt.Henry Navarro, ng Station Warrant Section, ang pagsilbi ng arrest warrant arrest na inisyu ni Judge Elmer Joseph R. Guerzon, ng Regional Trial Court, Branch 114, Pasay City.
Samantala, pasado 1 p.m. nang isilbi ng mga tauhan ni Tangdol sa Kamuning Police Station 10 sa Quezon City ang warrant of arrest sa top 2 most wanted person sa station level dahil sa paglabag sa Customs Modernization and Tariff Act (CMTA)(R.A. 10863)
Ang warrant of arrest laban sa suspek ay inisyu ni Judge Vladimir Berla Serohijos Daral, ng Metropolitan Trial Court Branch 165, Pasay City.
