Brgy. tanod patay sa pamamaril
PATAY ang isang barangay tanod na binaril sa Brgy. Mobile Patrol habang natutulog noong Biyernes.
Ayon sa report, katatapos lang ng clearing operations sa Brgy. Sta. Cruz, Antipolo City, Rizal nang barilin ang biktimang si Joel Aguanta.
Namatay si Aguanta sa Antipolo District Hospital dahil sa tama ng bala.
Naganap ang pamamaril dakong alas-4:30 ng umaga, ayon sa mga pulis.
Naka itim na jacket ang suspek na may bitbit na itim na sling bag at armado ng hindi batid na baril.
Matapos ang pamamaril, tumakas ang suspek papunta sa hindi batid na lugar.
