File photo ni JONJON C. REYES
Biyudo dedo sa Laguna ambush
PATAY ang 60-anyos na biyudo ng barilin ng hindi nakilalang gunman habang naglalakad sa Brgy. San Agustin, Alaminos, Laguna kamakailan.
Sa ulat ng Alaminos police kay Laguna police director P/Col. Gauvin Mel Unos, nakilala ang biktima na si Melchor Gonzales Vicente ng Brgy. San Miguel, Alaminos, Laguna.
Binaril ang biktima alas-10:15 ng gabi habang naglalakad sa pasilyo patungo sa Brgy. San Agustin.
Biglang sumulpot ang suspek at saka binaril ng malapitan ang biktima saka tumakas.
Idineklarang dead-on-arrival sa San Pablo City Hospital si Vicente dahil sa tama ng bala sa katawan.
