Beauty, jackpot kay Dingdong
JACKPOT si Beauty Gonzales sa next leading man niya sa gagagawing project sa Kapuso Network – si GMA Primetime King Dingdong Dantes.
Imagine, after Kelvin Miranda na kapareha ni Beauty sa unang project sa GMA mini-series na Loving Miss Bridgette, level up ang dating niya with Dingdong, huh!
Ikinakasa na ang Dingdong-Beauty project kaya dama ang excitement sa ibang cast at staff.
JASON, TAKOT SA MGA BAGUHAN
PINAKINGGAN ng Kapuso actor na si Jason Abalos ang sinabi sa kanya ni Albert Martinez tungkol sa career na, “Fill the void.”
Hanga si Jason sa achievements ni Albert na naging bida, kontrabida, sexy actor at sa edad niya ngayon ay mabenta pa rin sa TV series.
Apat na taon na si Jason bilang Kapuso. Nag-renew siya ng kontrata kamakailan sa network na nagtitiwala pa rin sa kanya kahit marami nang baguhang artista sa kwadra nito.
“May takot din akong nadarama sa mga baguhan ngayon. Kaya grateful ako sa GMA dahil may tiwala pa rin sila sa akin,” saad ni Jason sa virtual mediacon after his contract signing.
May talent kasi sa pag-arte si Jason kaya mabenta pa rin sa TV. Kasalukuyan siyang napapnood sa GMA afternoon drama na Las Hermanas. Ni Jun Nardo
