Bangkay ng 12-anyos na lalaki nakitang lumulutang sa ilog sa QC
NATAGPUANG lumulutang ang bangkay isang 12-anyos na lalaki na tinangay ng malakas na agos ng tubig sa ilog sa Quezon City.
Batay sa report ng Quezon City Police District (QCPD), alas- 6:40 ng umaga noong Linggo nang matagpuan ang bangkay ng biktimang si alyas Ron.
Nabatid na nagkayayaang maligo sa ulan ang biktima at mga kaibigan nang biglang tumalon sa ilog sa Sitio Pajo sa Brgy. Baesa ang biktima dakong ala-1:00 ng hapon noong Sabado.
Hinanap pa ng mga kaibigan niya ang biktima subalit hindi na nakita pa.
Ayon naman sa saksing si Gerardo Koruso Gamet, umiihi siya nang mamataan ang lumulutang na bangkay ng biktima Dario River, West Riverside Brgy. Damayan, Quezon City.
Ayon sa SOCO Team mula na pinamumunuan ni P/Capt. John Agtarap, nasa stage of early decomposition na ang bangkay ng biktima.
