Photo: PNA file photo
Bangkay natagpuang lumulutang sa Taal lake
ISANG bangkay ng lalaki ang natagpuan kamakailan na lumulutang sa Taal Lake sa Brgy. Sampaloc, Talisay, Batangas.
Nakatanggap ng tawag sa telepono ang mga imbestigador ng Talisay police tungkol sa natagpuang bangkay sa lawa na kinilalang si alyas Neil.
Nadiskubre ng mga residente ang bangkay pasado alas-6:00 ng umaga, ayon sa report.
Nakitang lumulutang sa pagitan ng dalawang bangka ng Feedmix Corp. ang bangkay.
Ayon sa ilang saksi, huling nakitang buhay ang biktima bandang alas-10:00 ng gabi bago naganap ang insidente na may kainuman sa paligid ng Feedmix Fish. Port.
