Pinangunahan ni MPD Director Andre P. Dizon ang panunumpa ng bagong miyembro ng Station Advisory Group (SAG) sa MPD Barbosa Police Station 14 sa ilalim ni P/Lt. Col. Roberto Mupas. Kuha ni Jon-jon Reyes
Bagong SAG members ng Barbosa PS, nanumpa kay Dizon
NANUMPA na ang mga bagong miyembro ng Station Advisory Group (SAG) sa Manila Police District (MPD) Barbosa Police Station (PS) 14 na pinamumunuan ni Police Lieutenant Col. Roberto Mupas.
Kasama sa oath-taking sina Manila 3rd District Congressman Joel Chua bilang Chairman Committee ng (SAG), 6th District Councilor Benny Fog Abante, at Golden Mosque and Cultural Center Sultan Abdulsalam Gerry Magarang Al Hadj.
Kabilang din sa mga nanumpang mga punong barangay na sina Marita Siose ng Barangay 644; Catherine Lagnada ng Bgy. 398; Kagawad Edilberto Escauso ng Bgy. 402; chairman Leninsky Bacud; Pastor Noel Cortez; Rev. Fr. Edgar Tubio, parish priest ng San Sebastian Church; at Pastor William Cabural, vice chairman ng Association of Ministries of Sampaloc.
Dumalo rin mula sa business Sector sa seremonya sina Wilson Ong, Laila Reyes, Richard Teng, Alex Ocampo, Juvy Arcillas, P/Lt. Col. Rene De Jesus (Ret.) MPD, at Jon-jon C. Reyes, photojournalist ng People’s Journal Tonight bilang media sector representative.
Sinaksihan din ang panunumpa nina P/Col. Dario Menor, DDO MPD; P/Cpt. Fredwin Sernio, hepe ng Carlos Palanca PCP (Police Community Precinct); at P/Maj. Gil John Lobaton, deputy station commander ng PS 14.
Ayon sa Barbosa PS 14, layunin nito na lalong palakasin ang relasyon sa pagitan ng buong hanay ng kapulisan at ng mga mamamayan para sa maayos, payapa, at masaganang pamumuhay sa ikatlong distrito ng Lungsod ng Maynila.
