Bagong Kapamilya serye co-produced ni Enrique
Inamin ni Enrique Gil na may tsansa na magkasama pa rin sila sa isang proyekto ng dating girlfriend at ka-loveteam na si Liza Soberano.
Sa latest interview ng ABS-CBN, natanong ang aktor kung ano ang update sa plano ng pagko-co-produce nila ng isang horror project.
“Yes, she is interested but she is in the US right now, she’s in LA. But we talked about it for a bit. Yeah, she is interested but she is there right now,” sey ni Quen.
“So who knows, maybe next year. Sana kung may time,” dagdag pa niya.
Sa isang panayam last November ay naibahagi n ani Quen ang possible collaboration nila ng ex-GF.
“We were talking the other day and sabi niya she is really interested in my other project, the horror. When she comes back, we will talk about the storyboard. She also has a prod company there. Eventually, mag-collab kami,” sey ni Quen sa naturang panayam.
Samantala, naibalita rin ng aktor na balik-teleserye na siya ngayong 2025.
Aniya, kukunan ito sa Europe pero hindi pa niya sinabi kung ano ang title at kung sino-sino ang makakasama niya.
“Mayroon nang leading lady pero I don’t think kung pwede pa. Hindi ko pa nakakausap. Nagmi-meeting kasi sila, nagpo-promo kami. So hindi ko alam kung pwede nila sabihin but as far as I know — yes, may naka-lock-in na for that. Excited na daw siya, nagti-training na raw, nagre-ready na,” sabi ng aktor.
About the genre, sey ni Quen, “Gusto ko action siya, pero action-comedy, medyo may pagka-lightness. Kasi usually super bigat lagi ng mga action so I wanted it medyo siyempre may romcom involved, kailangan ‘yon sa TV, eh, pero it’s, kumbaga, medyo Ryan Reynolds-ish na may lightness but there’s some mafia involved.”
Co-produced umano nila ng ABS-CBN ang upcoming series at konsepto rin niya ito kaya naman excited na siya.
