Angelikhang

Angeli, starstruck kay AJ

November 8, 2021 Ian F. Fariñas 1794 views

AJDAHIL dalawa sila sa mga itinuturing na Vivamax’s Maximum Crush ni AJ Raval, hindi maiwasan na ikumpara rito si Angeli Khang, na bida na sa bagong Vivamax offering na Mahjong Nights.

Siyempre, mas naunang pumasok sa showbiz si AJ at kasama ang isa pang VMC na si Jela Cuenca, ay nagkasama na sila ni Angeli sa pelikulang Taya ni Roman Perez Jr.

Kaya naman hindi ini-encourage ni Angeli ang pagkukumpara sa kanila dahil mabuti raw silang magkaibigan ni AJ at naging napaka-supportive nito sa kanya nu’ng sini-shoot nila ang Taya.

Sa solo virtual mediacon ni Angeli para sa Mahjong Nights kahapon, sinabi rin niya na nu’ng una niyang makita si AJ, talagang super starstruck siya.

Idol daw niya si AJ at tuwing kinakausap siya nito sa set noon, talagang hindi siya makapagsalita.

Lagi rin daw siyang binibigyan ng pointers ni AJ lalo na kapag kinakabahan siya para sa isang eksena.

At para maging mas kumportable siya kasama ito, lagi raw siyang binibiro ni AJ sa shooting breaks.

“She can do whatever I can do. Before me, there was her,” dagdag depensa pa ni Angeli kay AJ.

Anyway, lalagablab na naman ang Vivamax sa mapangahas na pagganap ni Angeli sa Mahjong Nights bilang si Alexa, na pinagnanasaan ng mga ka-mahjong ng kanyang ina.

Makakasama ni Angeli sa pelikula sina Sean de Guzman, Mickey Ferriols, Jay Manalo, Arnel Ignacio, Jamilla Obispo, Maricel Morales, atbp.

Mapapanood ang Mahjong Nights simula November 12 sa Vivamax Philippines, Hong Kong, Taiwan, Thailand, Malaysia, Indonesia, Singapore, Japan, South Korea, Macao, Vietnam, Brunei,

Maldives, Australia, New Zealand, Middle East at Europe.

Simula November 19, available na rin ang Vivamax sa USA at Canada.

AUTHOR PROFILE