Angel nagluluksa sa pagyao ng ama
Nagluluksa si Angel Locsin at ang kanyang pamilya sa pagpanaw ng kanyang amang si Angel Colmenares nitong Miyerkules sa edad na 98.
Ang malungkot na balita ay kinumpirma ng pamilya ni Angel sa ABS-CBN News base sa tweet ni MJ Felipe.
“The family has confirmed to ABS-CBN News that Angel M. Colmenares, the father of Angel Locsin has passed away last March 5, 2025 at the age of 98,” ang tweet ni MJ sa X.
“The family is requesting for privacy and would like to thank those who have sent their messages of sympathies and condolences,” pahayag pa ng ABS-CBN reporter.
Sa official Facebook page ni Angel ay makikita rin ang lumang photo ng aktres kasama ang kanyang ama at may caption na, “We love you, Daddy Angel. Forever in our hearts. (Team Angel PH).”
Nakita rin namin ang post ng isa niyang relative na si Joseph Colmenares.
Anito, “My Deepest Sympathy and Condolences to the Family of Angel Locsin. May You Find Eternal Peace and Happiness. Rest in Peace Lolo Budi. Lolo Budi is The Father of Angel Locsin Colmenares and The Brother of My Lolo Jesus Colmenares (Father of Tatay Tongtong Colmenares).”
Nag-post naman ang talent manager at pinsan ni Angel na si Mario Colmenares ng art card sa kanyang Facebook page at makikita rito ang burial service ng ama ng aktres.
Nakasaad sa art card na ibuburol si Mr. Colmenares sa Heritage Park, Taguig, Chapels 9 and 10 mula March 6 hanggang March 8.
Samantala, wala pang official statement si Angel hinggil sa pagyao ng ama.
MIFF GUEST
Isa si Dingdong Dantes sa Filipino celebrities na dumalo sa ginaganap na Manila International Film Festival sa Los Angeles, USA.
Ayon sa ulat ng “Chika Minute,” kahit walang entry ang aktor ay dadalo ito sa naturang filmfest bilang pinuno ng Aktor PH at para mag-present ng isang special award.
Excited na nga raw si Dingdong na makausap ang ilang Hollywood actors para makahingi ng tips at magkaroon ng posibleng collaboration.
Bukod kay Dong, dadalo rin sina Ruru Madrid at Sofia Pablo sa Manila International Film Festival para sa kanilang Best Picture film na “Green Bones.”
Nakatakda ring ipapalabas sa film festival ang “Hello, Love, Again” nina Kathryn Bernardo at Alden Richards at “Everything About My Wife” nina Jennylyn Mercado at Dennis Trillo.
