MISMONG si Viva Big Boss Vic del Rosario ang namili sa limang miyembro ng ipinakikilalang all-girl pop group na LITZ.

Ito ay sina Heart Ryan Evangelista (19), Ashtine Olviga (22), Bianca Santos (20), Fatima Añonuevo (20) at Yumi Garcia (18).

Sinanay sa ilalim ng pamamahala ng G-Force head na si Teacher Georcelle, ang LITZ (which stands for ‘life in the zunshine’) ay binuo nu’ng nakaraang taon at ngayon nga ay nakapag-record na ng single na Natataranta.

Ang nasabing awitin, na isinulat ni Thyro Alfaro, ay unang ni-record ng dating Viva artist na si James Reid.

Binigyan ito ng LITZ ng makabagong panlasa at ginawang electropop-tinged dance song na may kasama pang music video na ni-release nito lamang Biyernes

“The girls have been individually handpicked by Boss Vic,” ani Teacher Georcelle sa virtual mediacon para sa grupo.

“They asked me to handle them and I said ‘sure!’ (Viva) really gave me the freedom when it comes to grooming them. It’s really up to me. And I have their full support. They want LITZ to have the same treatment, the same care that I give the biggest stars here and why not? I think the girls of LITZ deserve that. We all believe in the talents of Heart, Ashtine, Bianca, Fatima and Yumi,” dagdag niya.

Paglilinaw ng sikat na choreographer, hindi K-pop ang LITZ.

“It’s nice to have an inspiration, an influence. It’s a good start but you know, we should find who we really are. Who they really are.”

Nang tanungin kung ano ang pagkakaiba nila bilang grupo, sinabi ng sosyalera at Ingleserang si Heart na lahat sila ay “gorgeous, fierce at talented.”

“Not only are we all that, but what makes us special is that we are close with each another. We have similar likes and dislikes, and we know what we can offer, what our weaknesses are and our strengths and we pull each other up. We’re real friends. And that’s best quality we have in our group,” dugtong niya.

Mapapanood ang LITZ sa kanilang debut performance sa upcoming online concert na Arrival na i-stream sa KTX.PH, IWANT TFC at TFC IPTV sa November 27, Saturday, 8 p.m.

Ang nasabing event ay selebrasyon ng “new chapter of OPM” at tatampukan din ng iba pang young hitmakers at rising acts tulad ng ALAMAT, Because, Claudia Barretto, Lyca Gairanod, Cean Jr., Deny, Jehramae, Jona Soquite at Magnus Haven.

Ang Arrival ay sa ilalim ng direksyon ni Paolo Valenciano para sa Viva Live.