NATANGAY ng apat na pinaghihinalaang holdaper ang P1,800 na benta at ibang items mula sa ninakawang Alfamart outlet sa Rizal Blvd., Brgy. Labas, Sta. Rosa City, Laguna noong Sabado.

Sa report ng Sta. Rosa police station, nalaman ang insidente ng panghoholdap nang mag-report sa kanila ang crew ng outlet na sina Ruth at Aidele.

Ayon sa dalawa, dakong alas-2:30 ng madaling araw ng pumasok ang dalawang suspek na armado ng baril habang lookout sa labas ang dalawang kasamang holdaper.

Nakuha mula sa kahera ang P1,800 na benta at pinasok ng isa sa apat na holdaper ang loob ng Alfamart para nakawin ang mga supplies.

Ayon pa sa mga biktima, mabilis tumakas ang mga suspek sakay ng dalawang motorsiklo papunta sa town plaza.

AUTHOR PROFILE

Gil Aman