IN ACTION–Walang tigil ang pagpapatrulya ng mga pulis ng Plaza Miranda sa mga matataong lugar sa Sta. Cruz, Maynila bilang seguridad ng mamamayan laban sa mga kriminal. Kuha ni JonJon Reyes
30 parak ng MPD ipinoste sa Carriedo, Quiapo
IPINAKALAT ang 30 pulis ng Manila Police District (MPD) sa pamumuno ni Police Maj. Fredwin Sernio, commander ng Plaza Miranda station 3, sa Carriedo St., Rizal Avenue at Quezon Blvd., Sta. Cruz at Quiapo, Maynila bilang seguridad sa publiko.
Tiniyak ang police visibility at police presence sa mga matataong lugar para sa monitoring at clearing operation dahil sa pagsisimula ng balik-eskwela.
Patuloy din ang paglalatag ng walang tigil na mga checkpoint operations laban sa mga riding in tandem (RIT) at mga motorista sa Quezon Blvd., Quiapo, Maynila.
Nanawagan sa publiko si PBGen. Arnold Thomas Ibay, hepe ng MPD, na maging maingat at magmatyag sa kanilang mga kinaroroonan kapag nasa Maynila.
