2 suspek sa murder, frustrated murder tiklo sa Batangas
KAMPO HENERAL MIGUEL MALVAR, Batangas–Dalawang suspek sa murder at frustrated murder na parehong menor de edad ang natiklo ng mga pulis sa relocation site sa Brgy. Balete, Batangas City noong Huwebes.
Natimbog ang mga suspek na parehong 18-anyos at nakatira sa nasabing barangay ng warrant operatives ng Batangas City Police Station kasama ang Provincial Intelligence Unit (PIU) at Batangas Police Provincial Office (PPO) bandang alas-9:45 ng umaga.
Dahil mga menor de edad, inaresto ang dalawa sa pamamagitan ng writ to take custody of a child in conflict with the law para sa krimen na murder at frustrated murder (2 counts).
May inirekomendang piyansa na P264,000 sa bawat isang suspek kapalit ng pansamantalang kalayaan.
