LABING-walong fire volunteer ang nasugatan at tinatayang P20 milyong halaga ng pinsala ang dulot ng sunog sa Balut, Tondo, Maynila noong Huwebes.

Sa update ng Bureau of Fire Protection-NCR, inaapula pa ang sunog sa 4-storey na bodega sa 383 Guidote St., Brgy. 132, Balut, Tondo.

May kalumaan na ang gusali kaya nahihirapan ang mga bumbero na apulahin ang apoy dahil sa mga nakatambak na mga electrical tools.

Nagsimula ang sunog sa ikalawang palapag ng gitnang harapang bahagi ng repair area at storage na pag-aari ni Ana Lim Koo bandang alas-7:51 ng gabi noong Huwebes.

Sa 18 sugatan, dalawa ang babae na nagtamo ng mga paso sa iba’t-ibang bahagi ng katawan.

AUTHOR PROFILE

Jonjon Reyes